«Խաղողը կյանք է»

Բարեգործական աճուրդ Հայաստանում. իրականություն դարձնենք փոքրիկների երազանքը

2013թ.  դեկտեմբերի 6-ին «Ամերիա» ընկերությունների խմբի նախաձեռնությամբ տեղի ունեցավ «Խաղողը կյանք է» խորագրով բացառիկ խմիչքների համտես և աճուրդ, որի ողջ հասույթը ուղղվեց  հիվանդ երեխաների բուժմանը:

Աճուրդին ներկայացվեցին հատուկ ընտրված բարձրակարգ ու նրբահամ կոնյակներ, գինիներ, շամպայններ և արմանյակ տարբեր երկրների նշանավոր արտադրողներից. բացառիկ խմիչքներ, որոնց մի մասը հատուկ բերվել էին Հայաստան հենց այս բարեգործության նպատակով: Մասնավորապես՝ «Արարատ Նոյյան Տապան» Կոնյակ` 70 տարեկան,  Pian dell Vigne 2008 թ. 5 լիտր, Tignanello 2010 թ. 6 լիտր, 1877թ. սպիտակ թնդեցված գինի Մադեռա, Cristal Rose Vintage 2005 և այլ յուրահատուկ խմիչքներ:

Բարեգործական աճուրդից ստացված հասույթը կազմեց 30,573,000  ՀՀ դրամ, որը կրկնապատկվեց «Ամերիա» ընկերությունների խմբի կողմից` կազմելով 61,146,000 ՀՀ դրամ: Ողջ գումարը փոխանցվեց քաղցկեղային, հեմատոլոգիական, իդեոպաթիկ արթրիտ և հրատապ բուժում պահանջող այլ հիվանդություններ ունեցող  17 երեխայի բուժմանը:  Այս երեխաները գրանցված էին «Նվիրիր կյանք», «Օգնենք հայ մանուկներին», «Երեխաներ առանց ցավի»  հիմնադրամներում և «Էխո» հ/կ-ում: